--Ads--
Maysa ti nadunor iti panagdinnungpar ti maysa a motorsiklo ken Multi-Purpose Vehicle iti national highway ti Barangay Suso, Sta. Maria, Ilocos Sur.
Karaman iti aksidente ti maysa a motorsiklo a minaneho ti lalaki nga agtawen iti tallopulo, kinalubbonna ti maysa a lalaki nga agpada a taga-Barangay Penned, Sta. Maria.
Ti met Toyota Innova ket minaneho ti lalaki nga agtawen iti uppat a pulo ket maysa, taga-Barangay San Pedro, Narvacan.
Nagsikko ti MPV a napan iti outer lane nga agpa-abagatan idinto a ti agpapa-amianan a motorsiklo ket pinadasna a lisyan ngem nagdinnungparda latta.
-- ADVERTISEMENT --
Saan a naan-ano dagiti 2 a drayber ngem ti backrider ti nadunor ti sakana.
Naipaagasda iti ospital para iti naan-anay a pannakatamingda.
