--Ads--
Umaboten iti nakurang maysa milion ti nagparehistro a botante para iti 2026 Barangay ken Sangguniang Kabataan Elections, segun iti Commission on Elections.
Maibasar iti Comelec, 962,615 ti bilang dagiti baro a botante manipud October 20 agingga December 14.
Umuna ti Calabarzon kadagiti rehion nga adda kadakkelan a bilang ti nagparehistro nga umabot iti 203, 438, sinaruno ti National Capital Region a 114,820 ken Central Luzon a 114,628.
Immunan a pinasingkedan ti Comelec a targetda ti makairekord iti umabot iti 1.4 milion a botante para iti eleksion inton sumaruno a tawen.
-- ADVERTISEMENT --
Agpaot ti voter’s registration iti intero a pagilian agingga May 18, 2026.
