--Ads--
Umabot iti nakurang 19,000 a saan a rehistrado a lugan ti natiliw idi bulan ti Mayo.
Segun ken ni Land Transportation Office Chief Assistant Secretary Atty. Vigor Mendoza II, karaman kadagiti natiliw ti umabot iti 12,206 a saan a rehistrado a motorsiklo ken 3,105 met dagiti traysikel, 1,800 a van, ken 1,000 a private vehicles.
Maibasar iti LTO, kaaduan a natiliw iti region 4A nga umabot iti 9,906 a sinaruno ti LTO Region 4B ken LTO Region 2.
Inallukoy ni Asec. Mendoza dagiti motorista nga irehistro dagiti luganda tapno maliklikan ti pannakamuelta nangruna ta P10,000 ti muelta iti panagmaneho ti saan a rehistrado a lugan.
-- ADVERTISEMENT --
