VIGAN CITY – Nawayawayaanen dagiti nakemmeg a nagaayam ti basketball idiay Sitio Ragsak, Brgy. Talogtog, Candon City kabayatan iti pannakaipatungpal pay laeng iti enhanced community quarantine.
Nabigbig dagiti suspek a da Michael Fernando, agtawen ti uppat a pulo, Armado Gravilez, agtawen ti uppat a pulo ket walo, Jay Fernando Raiz, agtawen ti uppat a pulo, Glenford Fernando, agtawen ti uppat a pulo, Rodolfo Alviento, agtawen ti uppat a pulo ket tallo, Leonardo Fernando, agtawen ti tallopulo ket uppat, Jeffrey Quilang, agtawen ti duapulo ket walo, Marvin Jake Gonzalo, agtawen ti sangapulo ket siam, Ronnel Daita, Allen Ignacio, agtawen ti duapulo ket walo ken ni Cyrus Cantre, agtawen ti sangapulo ket walo nga agpapada nga agnaed iti nasao a lugar.
Segun kenni PLt. Col. David Dulnuan a hepe iti Candon City Police Station, nakaawatda iti tawag manipud ken Brgy. Chairman Ryan Prim Pascua nga adda iti agaayam iti basketball nga insigida met a rinsepondeanda ket naaktuanda dagiti suspek nga agaayam.
Kinunana pay a ti rason dagiti natiliw ket iti panagpaling-etda isu a naggay-ayamda iti basketball.
