Vigan City – Dumalan ti 14-day-quarantine dagiti sangapulo ket uppat a nakapinnulapol dagiti duwa a suspected case ti COVID-19 idiay ili ti Santa.
Inlawlawag ni Santa Vice Mayor Atty. JJ Bueno a saan a positibo ti COVID-19 dagiti nasao a pasyente nga agtawen ti pito pulo ket walo a lalaki ken maysa a babai nga agtawen ti dua pulo ket walo nga agpada nga agnaed idiay Brgy. Quezon ket naka-isolate dan tapnu mamonitor iti kasasaadda ken para iti naan-anay a pannakataming da isu nga awan iti masapul a pagdanagan dagiti kakailyan da.
Dagiti 14 a tattao a mapapati a nakapulapol dagiti dua a suspected COVID- 19 patients ket agtalinaed iti Municipal Quarantine Facility ket bantayan ida daiti kameng ti Municipal Health Office ken sa da laeng makaruwar nu addan ton iti kumpirmasyon iti COVID- 19 test a dimmalanan dagiti dua a maatap a kaso iti nasao a sakit.
Kabayatanna, inpakaammo ti bise mayor a nag-order da ti test kit nga isunto iti maaramat a pangtest kadagiti nakapulapol dagiti pasyente.
