Pinasingkedan ni Assistant Secretary ken Assistant Chief of Staff Lemuel Ortonio a da Vice President Sara Duterte ken security chief Col. Raymund Dante Lachica laeng iti makaammo no napanan ken kasano a nagastos ti P625 million confidential funds iti Office of the Vice President (OVP).
Inamin ni Ortonio nga awan ti personal nga ammona iti actual a panaggastos iti minilion a pisos a pondo.
Immunan a pinasingkedan ni OVP Chief of Staff Zuleika Lopez nga awan iti ammona iti panagaramat iti minilion a pondo iti confidential funds.
Idi insaludsod ni Escudero no ammo ni Duterte no kasano a nagastos ti kuarta ket kinuna ni Ortonio a kas mangidaulo ti OVP, ammo ti bise presidente no kasano a maipatpatungpal dagiti aktibidad a nakailatanganna.
Kinumpirmaran pay ni Ortonio nga ammo ni Lachica ti panagaramat ti kuarta ta isuna iti nangidaulo ti seguridad ti OVP.
