VIGAN CITY – Duapulo ket pito a heat sealed plastic sachet a naglaon iti mapapati a shabu, maysa nga empty small heat sealed plastic sachet a naglaon iti mapapati a shabu, maysa a rolled aluminum foil, maysa a folded aluminum foil, getteng, nangisit a pouch ken barya iti naala manipod ken ni Gervie Sesuca nga agnaed idiay Brgy. Salomague, Cabugao.
Ti nasao a pannakaala dagiti kontrabando ket babaen iti bileg iti search warrant nga imparuar ni Hon. Homer Jay Ragonjan a Presiding Judge iti RTC Brand 24, Cabugao idi kalman.
Insayangkat dagiti pannakabagi ti linteg ti search warrant a naimatangan ni Gertrudes Sesuca nga ina ti suspek, Brgy. Capt. Johnrey Dela Cruz, Brgy. Kagawad Richard Valdez, Bgry. Kagawad Roger Del Rosario, ken DOJ Representative.
Kabayatanna, naidalanen iti medico legal ti suspek nga addan iti kustodiya dagiti pannakabagi ti linteg tapno sanguenna ti kaso a RA 9165 a maipila kontra kenkuana.
