Imbilinen ni Presidente Ferdinand Marcos Jr. ti nainget nga imbestigasion iti insidente a napasamak iti Ateneo de Zamboanga, kagiddan ti panangtutokda kadagiti addang tapno maliklikan ti isu met laeng a pasamak.
Segun ken ni Marcos, binilinnan dagiti law enforcement agency nga ammuen ti intero a napasamak ken bigbigen dagiti kasapulan nga aramiden tapno masalwadan dagiti estudiante ken komunidad dagiti pagadalan.
Impaganetget ni Marcos a kasapulan dagiti pagadalan iti katalgedan a lugar iti pagilian.
Impasigurado pay ti presidente a makitinnulong ti gobierno kadagiti pagadalan ken komunidad tapno papigsaen ti seguridad ken masigurado a makaadal dagiti agtutubo nga awan ti mariknada a buteng.
Nakipagladingit pay met isuna iti pamilia ken intero a komunidad ti Ateneo de Zamboanga iti napasamak a kunana a nasken a saanen a maulit.
