VIGAN CITY – Kiddawen ni Agriculture Secretary William Dar kadagiti local government ti pannakitinnulongda tapno maparmek ti agraraira nga African swine fever kalpasan iti panagraira manen iti nasao a virus idiay Pangasinan.
Ti pannaki-uman ti Bombo Radyo Vigan ken ni Dar, ingunam-gunam na a masapul iti naing-inget pay a pannakaipatungpal ti quarantine checkpoint dagiti LGU kas maysa kadagiti patiyen na nga epektibo a wagas tapnu maliklikan nga agwaras ti ASF.
Inlawlawag ti agriculture secretary a ti ASF ket agbalbalinen nga isyu nangruna kadagiti agtartaraken ti baboy ken dagiti aglaklako agsipud ta gatangen kada partienda pay laeng dagiti baboy nga ammoda a naapektaran iti nasao a virus tapnu adda laeng iti mapastrek da a dakkel a gatad.
Patien ti opisial a nadardaras a marisut ti nasao a banag no adda iti kooperasyon dagiti nadumaduma a LGU nangruna iti biang ti Municipal Agriculture Office.
