Nainget a bantayan ti Philippine National Police (PNP) ti Mt. Samat National Shrine idiay Bataan ita nga Araw ng Kagitingan.
Segun ken ni PNP Spokesperson ken Police Regional Office – 3 Director Brigidier Gen. Jean Fajardo, napainget ti seguridad ti aglawlaw ti dambbana kas panagsagana ti panagbisita ni President Ferdinand Marcos Jr. a mangidaulo ti seremonya a panagidaton ti sabong kas panangbigbig kadagiti bannuar a Pilipino ken Amerikano a beterano iti World War II.
Umdas ti bilang dagiti polis a naideploy ken adda koordinasyon iti Armed Forces of the Philippines (AFP), lokal a gobierno, ken dadduma pay nga ahensya para iti seguridad ti programa.
Ita nga aldaw iti panangrambak ti Araw ng Kagitingan kas pananglagip ti panagbagsak iti Bataan idi 1942 ken ti kinabannuar dagiti suldado a limmaban iti Bataan Death March.
