Inallukoy ti hog raisers group National Federation of Hog Raisers Inc. ti gobierno a mangiyetnag ti nainginget a biosecurity measures kontra African Swine Fever kasaruno ti outbreak idiay Vietnam.
Imbingay ti danag ti grupo iti kinatalged ti ASF vaccines manipod Vietnam kalpasan a pinasingkedan ti Department of Agriculture nga isayangkatda ti controlled vaccination trials.
Segun ken ni NatFed vice Chairman Alfred Ng, masapul nga iyetnag iti gobierno ti first border inspection sites, a pakai-inspect-an amin a refrigerated containers a sumrek iti pagilian babaen ti agduduma nga international ports.
Pinasingkedan ni DA spokesman Arnel de Mesa a ti procurement ti P350 million a gatad ti ASF vaccines ket maituloy latta uray adda outbreak iti source-country.
Suportaran met ni Ng ti pakaammo ti DA a mangisayangkat ti controlled vaccination trials.
