Vigan City – Nakemmeg dagiti uppat a lallaki iti naaktuan a nagsusugal idiay Brgy. San Juan, Candon City idi kalman.
Segun kenni PCol. David Dulnuan, mangidaulo ti Candon City Police Station, natakuatanda iti panaggay-ayam iti pusoy da Jestoni Arreola Garciano, agtawen ti dua pulo ket lima, baro nga agnaed idiay Bagani Campo; Christopher Galicia Ubu-ub, maysa a SAP beneficiary, agtawen ti tallo pulo ket walo, naasawaan; Reynald Lopez Cruz, agtawen ti tallo pulo ket dua, naasawaan; ken Amador Paredes Lopes, agtawen ti tallo pulo ket walo, baro nga agpapada nga agnaed idiay Brgy. San Juan Candon City iti likod ti balay ni Cruz.
Naala ti maysa a set iti baraha ken ti pusta nga aggatad ti 1,465 a pisos.
Kabayatanna, sanguen dagiti suspek iti kaso a panaglabsing iti Presidential Decree 1602.
