VIGAN CITY – Panaglabsing ti Presidential Decree 1602 iti sangwen da Benjamin Ujano, agtawen iti limapulo, naasawaan, mannalon; Elizalde Talbo, agtawen ti uppat a pulo ket tallo, mannalon; Joemar Ureta, agtawen ti tallopulo, naasawaan, construction worker; Cricencio Ullero, agtawen ti limapulo ket uppat, naasawaan, construction worker nga agpapada nga agnaed iti Brgy. Napo, Magsingal ken Jimboy Bacolinao, agtawen ti duapulo ket dua, baro nga agnaed iti Barangay Paras, Sto. Domingo ta naggay-ayamda iti pusoy iti natayan idiay Brgy. Napo, Magsingal.
Nangisayangkat ti anti-illegal gambling operation ti Magsingal Police Station ket naaktuan dagiti suspek iti iligal nga aramidda.
Naala kadakuada ti maysa a set iti baraha, maysa a kayo a lamisaan, lima a monoblock chair ken ti pusta a 2,695 a pisos.
Gapu iti dayta ket naipan dagiti nakemmeg iti Magsingal Police Station tapno dumalan ti usto a proseso.
