VIGAN CITY – Manarimaanen iti panangbirok dagiti otoridad iti nagmaneho ti motorsiklo a ni Rex Soria a taga Brgy Lapting, Nagbukel kalpasan a dinungpar ken tinarayan ni Rodolfo Abellan, agtawen ti 62 , mannalon nga agnaed metlaeng iti nasao a lugar.
Segun iti biktima, alas dos y media idi August 13 idi bumallasiw iti kalsada nga agturong kuma iti talonna ngem dinungpar isuna ti motorsiko a minaneho ni Soria a puon iti pannakainjury ti kannigid a saka ken ima na.
Kalpasan ti insidente, saan a nagsardeng ti suspek ket pinatarayna a naglibas ti motorsiklona idinto a naipan iti Ilocos Sur District Hospital-Narvacan ti biktima para ti pannakatamingna.
Naamuan nga adda ti gura ni Soria kenni Abellan nga isun ti kitkitaen dagiti otoridad a motibo iti napasamak a hit and run.
