Kinnemeg ti Candon City Police Station dagiti walo a naggi-inom wenno naglabsing iti Article 151 iti revised penal code idiay Barangay Allangigan Primero, Candon City.
Nabigbig dagiti suspek a da Fredie Molina Wagayen, agtawen ti lima pulo ket uppat, naasawaan, maysa a field transport operator ken agnaed Barangay Cubcubuot, Candon; Ryan Dumagco Valdez agtawen ti tallo pulo ket pito, naasawaan ken mannalon; Rowel Bisoy Molina, agtawen ti uppat a pulo ket innem, naasawaan, mannalon; Renato Valdez Lastimosa, agtawen ti dua pulo ket walo, naasawaan, mannalon; Dastin Joshua Awingan Valdez, agtawen ti duapulo ket maysa, baro, awanan trabaho; Roger Molina Salundaguit, agtawen ti lima pulo ket maysa, naasawaan a maysa a barangay electrician; Marvin Wagayen Porquiso, agtawen ti dua pulo ket pito, baro ken maysa a seafarer ken ni Roverick Taoagen Makil, agtawen ti dua pulo, baro, awanan trabaho nga agpapada nga agnaed idiay Allangigan 1st, Candon.
Iti agdama, addan iti kustodiya dagiti pannakabagi iti linteg dagiti suspek tapno dumalanda iti usto a proseso.
