VIGAN CITY- Natay ni Naida Unini nga agtawen iti lima pulo ket tallo, naasawaan ken agnaed idiay Barangay Bungro, Magsingal ta naaksidente iti nakilubbonan na a motorsiklo a minaneho ni Winnie Collado, naasawaan ken agnaed met laeng iti nasao a lugar.
Segun ken ni Police Inspector Christopher Bueno, hepe ti Magsingal PNP, ti motorsiklo dagiti dua ket aksidente a nadungpar ti trailer truck a minaneho ni Charlie Paellano nga itan ket addan iti ikot dagiti otoridad para iti imbestigasyon kenkuana.
Patta-pattaen dagiti otoridad a saan a nakita ti nagmaneho ti motorsiklo ti sumar-saruno kadakuada a trailer truck kasta met a saan a nasiputan ti nagmaneho ti truck iti panagsikko ti sar-sarunwen na a motorsiklo isu a napasamak iti aksidente idiay Bungro, Magsingal idi kalman.
