VIGAN CITY – Ti nadawel a danum iti baybay ti rason nu apay a narigatan dagiti rescuers a nangsapul iti bangkay ti nalmes a menor de edad a napan nagdigos idiay Nalvo Beach, Barangay Nalvo, Sta Maria idi naminsan nga aldaw.
Ti biktima ket isu ni Sheena Ancheta nga agtawen ti sangapulo ket pito a taga- Lubong, Sta. Maria.
Segun ken ni Ace Llanes Adviento, Municipal Disaster Risk Reduction and Management Council (MDRRMC) Officer ti Santa , manu-manu a binatok dagiti rescuers ti Santa Rescue Team, Philippine Coast Guard, San Esteban Rescue Team ken Sta. Maria Rescue team iti baybay tapnu laeng masapulan ti biktima agingga a nasarakan da met laeng iti baybay a masakupan ti Brgy. Nalvo idi alas- 2: 19 pm ti August 19.
Maibasar iti inisyal nga imbestigasyon, napan nagdigos iti baybay ti biktima ken dagiti gagayyem na ket saan da a nadlaw nga adda dan iti tingnga iti taaw agingga a naguyod ti dakkel a dalluyon ti biktima a rason nu apay a saanen a naisalakan dagiti kakadua na
