Ad-adalen ti Department of Energy (DOE) iti nadagdagsen a muelta kadagiti agmanipula kadagiti metro iti kuryente.
Segun ken ni DOE Sec. Sharon Garin, ti addang iti DOE ket gapu iti kalikagum a maikkaten ti system loss charge iti binulan a singir iti kuryente.
Gagemda a papigsaen ti kampania kontra iti illegal a koneksyon wenno jumper.
Gapu dayta, manipod iti agdama a P5,000 a muelta ket planoda a pagbalinen a P50,000 para kadagiti aglabsing ti Anti-Pilferage Law.
Iti agdama a linteg, iti salinong ti Republic Act No. 7832 wenno Anti-Electricity and Electric Transmission Lines/Materials Pilferage Act of 1994, ti illegal a panagaramat ti kuryente ket adda pannusa a pannakaibalud iti innem a tawen ken maysa nga aldaw agingga sangapulo ket dua a tawen.
