VIGAN CITY – Mangsapsapolen ti Department of Social Welfare and Development Office Magsingal ti institusyon a pakaipanan ti lalaki nga adda iti parikot iti panunutna a nangbansag ti maysa a lugan idiay Brgy. San Basilio, Magsingal.
Segun kenni Roselle Tiri, Officer in charge ti MSWD Magsingal, mangsapsapol dan ti psychiatric hospital wenno mentail health institution a pakaipanan kenni Leonardo Salvador para iti naananay a panangkita kenkuana.
Kalaksidan iti panangsapol ti institusyon para kenni Salvador manarimaan pay iti panangkitada no adda iti kabagyanna ta iso ti maysa kadagiti kasapolan tapno makastrek ken akseptaren isuna iti pakaipananna.
Maipalagip a binansag ni Salvador ti maysa a puraw a Toyota Hi-Ace Grandia a minaneho ni Lee Mark Allagones agtawen ti tallo pulo ket maysa kabayatan iti panagdalyasatda ti National High Way idi parbangon kalman.
