--Ads--
VIGAN CITY– Pinasingkedan ti corn coordinator iti provincial government a bassit laengen nga ektarya dagiti mula a mais dagiti mannalon ti Ilocos Sur iti saan pay a naapit.
Segun ken ni Oscar Tobia, nu maibasar iti monitoring da ket adda laengen dagiti sumagmamano a mannalon a saan a nakaapit iti mula da a mais ta naabutan da iti napigsa a todo kadagiti napalabas nga aldaw.
Mainaig iti dayta ket inbalakad ni Tobia kadagiti saan pay a nakaapit a bay-bay-an da pay laeng dagiti mula da ta nu karintaren da nga apiten ket posible nga agngisit ken agboot.
Innayon na a nalaka a madadael iti mais nangruna nu nasayaat iti pannakakalupkop ti ukis na ta saan a serreken iti danum.
-- ADVERTISEMENT --
