--Ads--
Pinasingkedan ti Manila Police District nga awan ti naaw-awatda nga ania man a seryoso a pangta para iti Traslacion ti Hesus Nazareno inton Enero 9.
Segun ken ni MPD Spokesperson Maj. Philipp Ines, nakasagana ti kapulisan a mangkita a dagus iti ania man a pangta no kas bilang adda.
Impasigurado ti opisial ti seguridad iti Traslacion, ket nasurok-kumurang 15,000 a kapulisan idiay Metro Manila ken kabangibang a probinsia, agraman dagiti mailibut.
Binalakadan ti MPD dagiti makikaysa iti Traslacion nga agitugotda iti danum, saanda nga agitugot iti ania man a makadangran, agaramat iti transparent a bag no kasapulan ket sumurot iti dadduma pay a bilin dagiti pannakabagi ti linteg tapno naurnos ken natalged ti libut.
-- ADVERTISEMENT --
