VIGAN CITY – Nagdinnungpar ti maysa a SUV ken maysa a motorsiklo a minaneho ti maysa a menor de edad idiay Brgy. Cayus, Quirino.
Agtawen sangapulo ket pito ti menor de edad a nagmaneho ti morosiklo nga agnaed ti Brgy. Malideg, Quirino ken ti kalubbonna a ni Vergie Escobar agtawen ti lima pulo ket tallo agnaed met laeng ti nasao a barangay.
Basar ti imbestigasyon ti Quirino Municipal Police Station, agduma ti direskyon a daldalyasaten ti motorsiklo ken ti Brown Ford Everest a minaneho ni Jesse Tabafunda agtawen ti lima pulo ken agnaed ti Dalumpinas Geste, San Fernando City, La Union ket immagaw ti linya ti motorsiklo a puon ti aksidente iti agkurba a paset ti kalsada.
Nagsagaba ti dunor iti nadumaduma a paset ti bagina dagiti nagkalubbon ti motorisklo a naipan ti Quirino Primary Health Care Facility para iti pannakatamingda.
