VIGAN CITY– Maimimbestigaran ti pammaltog a nakatayan ni Von Bryan Viray a taga Sinabaan , Bantay idinto a nadonor ti nobya na a ni Geraldine Jimenez gapu iti panangpaltog ti saan a nabigbig a suspek a mapapati a nagkalubbon ti motorsiklo idiay Brgy. Cuta, Vigan City.
Ti pannakiuman ti Bombo Radyo Vigan ,pinatalgedan ni PSupt. Jugith Del Prado ti Vigan City Police Station, a dagiti kaso a carnapping ken robbery a sangsanguen ni Viray ti karaman kadagiti imibestigaran da a posible a motibo iti pannakapapatay na
Maipalagip a nakemmeg idi ni Viray gapu ta isu ti suspek a nangserrek iti pagtaengan da dante ayson idiay nagsangalan, vigan city idi hulyo a nangitarayan da ti bag a naglaon ti kuarta nga aggatad ti P200,000, ATM card, cellphone ken dadduma pay a napateg a banag.
Inaig iti dayta ket inkalintegan ni del prado a saan a ti helmet ordinance ti syudad a vigan ti rason no apay nga adda manen dagiti shooting incident ta awan ti pilpilien nga oras ken lugar dagiti kriminal no desidido da nga agaramid iti saan a nasayaat.
