Pinalagipan ni Senador Chiz Escudero dagiti higher education institution (HEIs) mainaig ti moratorium wenno saan a panagsingir iti utang kadagiti estudyante nu adda state of calamity.
Segun ti senador, nakapauneg iti Republic Act 12077 wenno Student Loan Payment Moratorium During Disasters and Emergencies Act a maiparit kadagiti unibersidad, kolehiyo ken technical-vocational institutions nga agkolekta kadagiti utang dagiti estudyante iti panawen ti state of emergency wenno calamity ken uray tallopulo nga aldaw kalpasan a naikkat ti emergency.
Kinuna ti senador a maysa kadagiti nagsurat ken sponsor iti linteg, saan a rumbeng nga agbalin a rason ti kinaawan ti panagbayad ti matrikula tapno maisardeng iti panagadal dagiti estudyante a biktima kadagiti didigra.
Ti panag-avail ti moratorium ket saan a rumbeng a makaapektar iti eligibility iti maysa nga agad-adal a tapno maka-enroll kadagiti sumarsaruno a semester.
Allukoyen ti linteg dagiti higher education ken tech-vocational institutions nga allukoyen ti payment relief wenno assistance program dagiti estudyante a biktima iti didigra tapno malag-anan iti panagbayad dagiti utangda.
