Pinagbalin a triple ti Department of Agriculture ti monthly rice allocation para ti vulnerable sector a mabanepisyaran manipod P29 program iti Marcos Administration.
Ipalubos ti baro a polisiya dagiti sektor a makagatang iti agingga tallopulo a kilo ti bagas kada bulan, maysa a three-fold increase manipod napalabas a limit.
Sakupen ti programa ti vulnerable sectors pakairamanan ti senior citizens, persons with disabilities, solo parents ken indigents.
Ti bagas a mailako iti salinong ti inisyatiba ket agtaud iti National Food Authority buffer stocks.
Segun ken ni Department of Agriculture Secretary Fracisco Tiu Laurel Jr., ti baro a polisiya ket insigida a maimplementar iti intero a pagilian ta mailako ti P29 a bagas iti Kadiwa ng Pangulo stores ken centers.
