VIGAN CITY – Kinumpirmaran ni Sta. Maria Mayor Brigido “Boy” Camarillo nga ipatungpal dan ti MECQ iti lugarda.
Ti pannaki-uman ti Bombo Radyo Vigan kenni Mayor Camarillo, napagnunummuan ti Local Inter Agency Task Force on Emerging Infectious Diseases a maisublin ti salinong ti MECQ ti ili da tapno maprotektaran dagiti tattao kontra ti COVID19.
Mangrugi ita nga aldaw August 5 iti pannakaipatungpal iti nasao a quarantine classification nga agturpos inton August 19 ita agdama a tawen.
Ti salinong ti MECQ saan a mapalubusan dagiti agtawen duwa pulo agpababa a rummuar iti pagtaengan da pakairamanan dagiti senior citizen kalaksidan no addaan da iti trabahoda, agbibiag a maymaysa na ngem masapol iti sertipikasyon manipod kapitan ti barangay ken iti pannakaipatungpal iti 8pm agingga 5am a curfew.
