Nangiruar ti statement ti Miss Universe Organization (MOU) kas suportar ken ni reigning Miss Universe 2025 Fatima Bosch kalpasan a kinuna ni Miss Universe Thailand director Nawat Itsaragrisil a sumagsango ti legal nga aksyon ti Mexican beauty queen.
Nangrugi ti saanda a panagkinnaawatan idi November 2025 iti maysa a pre-pageant sashing ceremony idi kinomprotar ni Nawat ni Bosch gapu iti saanna a panagdar-ay ti maysa nga sponsor shoot, a nangitunda ken ni Bosch ken dadduma pay a kandidata a pimmanaw iti event.
No man pay nagkiddaw ti pammakawan ni Nawat, nagipila latta isuna ti legal nga aksyon kontra ken ni Bosch gapu iti mapapati a madi nga alegasion a nakadadael iti reputasyonna.
Segun ti MOU, saan a maawat iti aniaman a klase iti kinaranggas, panangbutbuteng, panangibabain, panangbastos ken panagmaltrato iti babbai.
