VIGAN CITY– Nariknan ni Carmi Lachica Anno , asawa ni Private First Class Elmer Anno , nga adda iti saan a nasayaat napasamak iti asawa na idiay Marawi City idi saaanen a timmawag idi mayo baente tres kagiddan iti panagrugi iti rinnupak .
Segun kenni Carmen, kanayon a tumawag itia asawa na tapno maipakammo na iti kasasad na isu nga idi saanen a timmawag ket nariknan iti napasamak iti asawa na.
Naammuan na laengen a natay iti asawa na iti aldaw iti umuna a panagkasangay iti maikadwa nga anak da , gapu iti tama ti bala iti nadumaduma a paset iti bagi na.
Kuna ni carmi a basta adda iti misyon iti asawa na ket saan na a pulos a linapdan ta paset iti trabaho na daytoy a kas suldado.,
Iti laeng maaramid na ket ikararagan iti asawa na a makaawid a natalged ken sibibiag.
Inkari ni Carmi,a saannan to a baybay-an dagiti dwa nga annak da nga agtawen iti tallo ken maysa ket tungpalen na dagiti arapaap da kenkuana.
Kabayatanna, segun kenni Pastor Teodoro Anno, ama ni PFC Anno, kasapulan nga awaten da iti napasamak iti anak na ta saan a nasayang iti biag na agsipud ta natay a bannuar.
Nasakit iti rikna na iti nabayag a saan na a nakita iti anak na ket naisangpet daytoy nga awanen iti biag na.
Innayonna a saannan to a malipatan iti anak na a kas iti kinapakumbaba na ken iti nangato a respeto na kadagiti nagannak na ken iti pada na a tao.
