VIGAN CITY – Tuloy ti misa ti St. Paul Metropolitan Cathedral inton bigat ken uray kadagiti sumar-saruno a lawas ngem maka-ammo dagiti mapan makimisa a mangsalaknib iti bagi da.
Segun ken ni Msgr. Gary Formoso, okay laeng nu naka-mask ken adda bitbit nga alcohol dagiti mapan makimisa tapnu masalakniban iti bagi da kontra ti coronavirus disease 2019.
Ti pay laeng ima iti usaren nga agkomunyon ken liklikan pay laeng iti panaginnallamano, panagbeso- beso ken panagi-inniggem ti ima nu magtengan iti paset ti misa a panagkanta ti Amami, kasta payen iti panagmano kadagiti papadi nu malpas ti misa.
Nu met kasar ken ponpon, masapul a liklikan dagiti tattao iti aglilinnetlet iti pagtugawan iti uneg ti simbaan.
Inlawlawag met ni Msgr. Formoso nga agusar danto pay ti kapas nu lanaan da dagiti agsaksakit ken dagiti babbaket ken lallakay tapnu maliklikan iti close contact kadagiti tattao.
Kabayatanna, ti biyang met dagiti born-again Christians kas kadagiti miyembro ti Alpha and Omega nga idaulwan ni Pastor Benicio Argallon ket ag-misa da met laeng inton domingo ket ipalubos na iti panagmask dagiti tattao kasta payen iti panagalcohol da.
Inbilin na met a nu mabalbalin ket saan nga agdedekket dagiti pagtutugawan a kas panangsurot iti no- contact policy a naiyetnag inaig ti COVID- 19.
