VIGAN CITY – Maysa a menor de edad ti nangpwersa a nangserrek iti Municipal Tourism Office idiay Barangay Poblacion Norte, Sta. Maria, Ilocos Sur babaen ti panangpittakna iti tawa.
Ti suspek ket agnaed iti Barangay Baliw Laud, Sta. Maria.
Nabigbig ti nagreklamo a ni Gregorio Somera Roa, agtawen iti innem a pulo ket uppat, Sta. Maria Municipal Adminstrator, taga-Poblacion Sur, Sta. Maria.
Iti pannaki-uman ti Bombo Radyo Vigan ken ni Police Major Macario Dulawan, immuneg ti suspek iti budega ta napursar daytoy a nalukatan ken napittak ti tawa ti opisina.
Adda met nakakita iti suspek ket binugkawanna ngem napaspas a timpuak manipud iti 2nd storey sa naglibas.
Iti kabigatan ti May 31, maysa kadagiti tourism personnel ti nangbigbig iti suspek nga agtugtugaw iti asideg ti opisinada, ket dagus met a naarestar ken naiturn over iti Department of Social Welfare and Development agsipud ta menor de edad.
Datin a ti suspek ket adda recordna nga adda dagiti intartarayna iti barangayda.
