VIGAN CITY – Addan iti kustodya ti Bahay Pag-Asa iti Social Welfare and Development Office ti lalaki nga agtawen ti 15 a sumangsango ti kaso a panaglabsing ti RA 9344 wenno Juvenile Justice and Welfare Act of 2006 gapu ti mapapati a panangpaltog na iti kandidato iti kinabarangay kagawad idiay Barangay Macray, Bangued ,Abra ni John Robert Barbosa, agtawen iti 22.
Segun kenni PS/Insp. Grace Marron, information officer ti Abra Provincial Police Office (PPO) , napan nagkampanya ni Barbosa kadwa na ti grupo na idinta adda nangkaryar kadakuada ngem saan na a pinansin.
Nagawid ti biktima iti pagtaengan na ket kalpasan ti sumagmamano a minutos mapapati a nagturong ti grupo ni Brgy Capt. Raymund Bites ti pagtaengan ti biktima.
Idi naamwan ni Barbosa nga da kapitan ti sumungad,timmaray ti agpamyanan a direksyon ket dita nga pinaltugan ti suspect a menor de edad ngem saan na a napuntaan.
Iti agdama ket burburtya pay laeng kadagiti otoridad ti motibo iti pammaltog agsipud ta awan iti dati susik iti nagbaetan dagiti biktima ken suspek.
Naammuan a naglibas ti suspek ngem nakemmeg met laeng kalpasan iti hot pursuit operation ket naala kenkuana iti norinco caliber 45 ken maysa a Remington caliber 45 .
