Masapsapul ti maysa a menor de edad nga agtawen iti sangapulo ket uppat gapu iti pannakalmesna idinto a ti kaduana nga agtyawen iti sangapulo ket maysa ket naisalakan iti dandani a pannakalmesna iti kabaybayan idiay Barangay Pinipin, Sta. Cruz, Ilocos Sur.
Naipakaammo kadagiti kameng ti Sta. Cruz Municipal Police Station iti napasamak a drowning incident kangrunaan iti Pinipin Beach idiay Barangay Pinipin, Sta. Cruz isu a nagrespondeda.
Naisayangkat ti retrieval operation babaen kadagiti kameng ti Philippine Coast Guard ken Municipal Disaster Risk Reduction and Management Office Sta. Cruz.
Naamoan ken ni Peter Tenorio, agtawen iti tallopulo ket pito nga ama ti biktima, alas singko y media iti malem iti isu met la nga aldaw ket maysa kadagiti gayyem ti putona iti nangayab kenkuanaket impakaammona ti pannakalmes ti putotna a manarimaanen a sapsapulen dagiti kameng ti PGC ken MDRRMO-Sta. Cruz.
Iti panagturongna iti kabaybayan ket naammoanna a maysa pay a menor de iti dandani nalmes iti naisalakan iti naipan iti Sta. Lucia District Hospital para ti medical attention.
Agtultuloy iti retrieval operation.
