VIGAN CITY – Saan a kumbinsido ti pamilya ni Arnel Javier de Guzman nga agtawen ti sangapulo ket pito a taga-Rivadavia, Narvacan a natay ti biktima gapu ti sakit isu a kayat da a maipa-autopsy ti bangkay kas pinasengkedan ni Police Major Rogelio Miedez, hepe ti Narvacan municipal police station.
Segun ken ni Miedez, ni de Guzman ket isu iti maitud-tudo a suspek iti panagtubtob ken panangukag kadagiti walo a pantsong idiay kampo santo ti Barangay San Antonio, Narvacan, pakairaman ti pantsong ni Brgy. Chairman Alex Antolin a nagpapili a konsehal ti Narvacan ngem natay ta naaksidente.
Kinunana na nga uray nu nakita da nga awan foul play iti pannakatay ti biktima, nagimbestigar da latta nangruna ket agdudua iti pamilya na.
Namnamaen ti hepe a babaen ti autopsy ket malawlawagan iti napasamak.
