24/7 iti panagmonitor iti Municipal Disaster Risk Reduction and Management – Santa ita a Semana Santa.
Iti pannaki-uman ti Bombo Radyo Vigan ken ni Vince Clyde Cardenas iti MDRRMO-Santa, manipod inyulog ni Mayor Jeremy Jesus “JJ” Bueno ti Executive Order 141 Series of 2026 idi napan a lawas ket nakamonitordan kadagiti highway, coastal ken igid iti karayan dagiti barbarangay iti nasao nga ili.
Segun ken ni Cardenas, manipod Huebes Santo agingga Domingo ket bantayanda pay iti highway ta adda dagiti kamengda a naideploy.
Siguradoenna nga adda team a maideploy iti bay watching idiay Barangay Quezon ken adda pay iti gruponto idiay Versorong.
Kabayatanna, kas iti napalpalabas a tawen ket silulukat dagiti kabaybayan ken Versorong para iti publiko ngem agpatinggada laeng agingga 4:30PM tapno maliklikan iti aniaman nga insidente a mabalin a pakairamanan dagiti agturong.
