Maysa nga agpanpanday-linteg ti nagpanmawagan ken ni Bise Presidente Sara Duterte-Carpio nga ipangpangrunana dagiti responsibilidadna imbes nga agbalin a “self-entitled” pronouncements.
Binabalaw ni House Assistant Majority Leader ken Ako Bicol Partylist Representative Jil Bongalon ni Duterte iti kallabes a komentona kontra iti administrasion ni Pres. Bongbong Marcos, ta saan a nairuar dagiti isyu bayat ti panagtakemna kas sekretario ti Department of Education (DepEd).
Kinuestionaran ni Bongalon no apay a nagulimek ni Duterte-Carpio kadagiti napateg nga isyu iti uneg ti Education department kabayatan ti panagtakemna ken inyebkasna laeng dagiti pakaseknanna kalpasan ti panagresignna.
Inyunay-unayna a mabalin nga ad-adda a makagunggona dagiti pammabalawna no nasapsapa a naurnos.
In-highlight ti agpapanday-linteg dagiti agtultuloy a karit a sangsanguen dagiti mannursuro iti public schools, agraman ti napaut nga oras ti panagtrabaho, high teacher-student ratios, ken administrative burdens.
