VIGAN CITY – Maysa iti natay idinto a maysa iti nadundunor ti pannakaidungpar iti naglugananda a tricycle iti concrete pavement idiay Barangay Villamar, Caoayan.
Iti pannaki-uman iti Bombo Radyo Vigan ken ni PMaj. Henry Garcia iti Caoayan Municipal Police Station, mapapati a nakainom ti driver iti tricycle a ni Teddy Quindipan, agtawen ti innem a pulo ket tallo, naasawaan, mannalon nga agnaed idiay Brgy. Nansuagao ken pasaherona a ni Carlos Llanes, agtawen ti innem a pulo ket uppat nga agnaed idiay Brgy. Villamar iti ti Caoayan idi napasmak iti aksidente.
Segun ken ni Garcia, napaspas iti panagpataray ni Quindipan a gappuanan iti pannakaidungparda ket nakadundunoranda isu a naipanda iti Ilocos Sur Provincial Hospital-Gabriela Silang.
Nagtukkol iti backbone ti pasahero a gappuanan iti pannakatayna idinto a minor injury iti sinagrap ti driver.
