Natakawan ti maysa a sari-sari store idiay Barangay Taleb, Nagbukel, Ilocos Sur itay ala una kuarentay tres iti parbangon, September 9, 2025.
Ti akinkukua ti sari-sari store ket babai nga agtawenn iti limapulo nga agnaed iti nasao a lugar idinto a saan a nabigbig dagiti suspek.
Impakaammo ti biktima kadagiti otoridad iti napasamak a panagtakawan iti family store-da isu a naisayangkat iti initial investigation.
Immunan a napansin ti biktima a napuersa a nadadael ti padlock iti store-na isu nga in-review da iti CCTV footage ket isun ti nakaduktalanda nga itay parbangon ket adda dagiti agtatakaw a napan iti store ket apaman a nakastrek ti maysa a suspek ket minanipulada iti CCTV.
Naammoan a natakaw manipod iti store iti agduduma nga items nga aggatad iti P2,873.
Agtultuloy iti imbestigasyon iti nasao a panagtakawan ken manarimaan iti pannakasapul kadagiti suspek.
