Nauram ti maysa a pagtaengan idi alas nuebe uno iti rabii, February 25, 2025 idiay Barangay San Isidro, Candon City, Ilocos Sur.
Ti pagtaengan ket kukua da Romeo Vienegas Ilagan, agtawen iti pitopulo ket maysa, naasaawaan ken Luzviminda Mangay-ayam Ilagan, agtawen iti pitopulo ket lima, naasawaan nga agpada nga agnaed idiay Barangay San Isidro, Candon City.
Segun ti Candon City Police Station, pinasingkedan ni Luzviminda Ilagan, sinindyanna ti katol iti sirok ti pagiddaan iti kuarto iti maikadua a kadsaaran iti pagtaenganda sakbay a bimmaba a napan nagdigos idinto a ti asawana ket agbuybuya ti telebisyon iti baba.
Kalpasan a nakadigos ni Luzviminda ket ngimmato ngem isun ti pannakakitana a maur-uram ti kuartoda isu a ginawaanna a nagala kadagiti gamitda ken rimmuar a nagpaarayat kaduana ti asawana.
Nadepdep iti uram kalpasan iti tallopulo a minutos babaen iti panagresponde dagiti bumbero ken pannakabagi ti linteg.
