Nakemmeg ti maysa nga street level individual iti buy bust operation a naisayangkat itattay bigat (August 28, 2024) idiay Brgy. Poblacion Weste, Sta. Cruz, Ilocos Sur.
Segun ti Sta. Cruz Municipal Police Station, ti suspek ket ni Joselito Jenus Ablan, agtawen iti uppat a pulo ket walo, mangngalap nga agnaed idiay Barangay Las-ud, Sta. Cruz.
Naala kenkuana ti drug evidence a nasurok kumurang 0.4 a gramo iti mapapati a shabu nga aggatad ti P2,720 a naipan iti maysa a piraso ti small heat-sealed transparent plastic sachet a nagserbi a buy bust item.
Ti met non-drug evidence ket maysa a piraso iti P1,000 buy bust money, dua a piraso iti sangagasut a pisos, maysa a piraso ti vivo Y11 color black ken maroon cellphone, maysa a lighter ken maysa a nangisit a coin purse.
