Maysa a lalaki, natay gapu iti pannakalmesna

Dead on arrival ti maysa a lalaki gapu iti pannakalmesna iti Sitio Sabangan, Barangay Tamurong 2^nd, Candon City, Ilocos Sur.

Nabigbig ti biktima a ni Renato Pascua Balbin, agtawen iti limapulo ket walo, taga-Barangay Tamurong 1^st, Candon City.

Segun ken ni Premo Samuena, agindeg iti Barangay Tamurong 2^nd, Candon City, nakitana ti biktima a tumtumpaw iti kabaybayan isu a dagus a pinakaamoanna ti maysa met laeng nga agindeg a ni Romeo Cabillan Jr.

Naitary ti biktima iti Candon City Hospital ngem saanen a naisalakan pay ti biagna.

Segun iti kasinsin ti biktima a ni Resti Pascua, alas otso ken alas nuebe iti rabii idi Agosto 2, nagpakada ti biktima a mapan iti kabaybayan ngem binallaaganna a saanen nga agtuloy gapu iti kinabartekna ken agtudtudo pay ngem napan latta ti biktima.

Innayonna pay a rinabii ti panagturong ti biktima iti kabaybayan nga aglangoy tapno agpamunaw.