VIGAN CITY- Naalaan ti mapapati a shabu ken bulong ti marijuana ti maysa a lalaki idiay Brgy Sulvec, Narvacan kalpasan a balligi a naiserbi ti warrant of arrestna.
Nabigbig ti suspek a ni Marlon Galinato, agtawen ti uppat a pulo ket pito, driver/mechanic a taga Brgy Sulvec .
Iti pannakiuman ti Bombo Radyo Vigan kenni PMAJ Alexander Dangli, Chief of Police ti Narvacan Police Station, naala kenkuana ti tallo a gramo ti shabu nga adda gatadna a 20,400; 135.2 gramo ti nagango a bulong ti marijuana nga aggatad ti 16,224 pesos; dua nga strip ti aluminum foil, maysa a medium size ti plastic zip lock ken maysa a dakkel a mercury drug sando bag.
Saan metten a pinaglibakan ti suspek dagiti naala a kontrabando kenkuana.
Innayon ni Pmaj. Dangli nga nabayagda a sinipsipotan ti suspek sakbay ti pannakakemmegna.
