VIGAN CITY – Maysa a high value target ken top 6 Regional Priority target ti nakemmeg idiay Brgy. Napo, Sto. Domingo babaen iti naiwayat a buy bust operation nga indaulwan ti Philippine Drug Enforcement Agency-Ilocos Sur.
Nabigbig ti suspek a ni Jayjay Cabatan, agtawen iti tallopulo ket walo nga agnaed iti nasao a lugar nga isu ti Ilocos Sur, Regional Priority Target ken PDEA Target gapu iti panagaramat ken panagilakona iti iligal a droga a maibilang a panaglabsing kas sagudayen iti Sec 5 ti Republic Act 9165.
Naala dagiti operatiba manipud iti suspek ti maysa a heat sealed transparent plastic sachet iti mapapati a shabu nga agdagsen iti maysa a gramo nga aggatad iti innem a ribo walogasut a pisos nga isu ti nagserbi a buy bust item.
Malaksid ti dayta, naala pay ti dua a piraso ti heat sealed transparent sachet nga ikot ti suspek a naglaon met laeng iti maysa a gramo ti a ti DDB value na ket aggatad iti innem a ribo walo gasut a pisos; buy bust money nga aggatad iti pito a ribo a pisos; maysa a piraso ti husto a sangaribo a pisos pakairamananen ti innem a piraso ti sangaribo a pisos a boodle money ken maysa a cellphone.
Nupay kasta, aggatad amin iti sangapulo ket tallo a ribo innem a gasut a pisos ti gatad dagiti naala a droga iti suspek a sumango iti kaso a panaglabsing iti Comprehensive Dangerous Drugs Act of 2002.
