--Ads--
VIGAN CITY – Parikot iti pamilia iti makitkita a rason iti nagbekkelan ni Aurene Joy Serrano, agtawen ti duapulo ket lima, agtagibalay nga agnaed idiay Salomague, Cabugao.
Iti pannaki-uman ti Bombo Radyo Vigan ken ni PCapt. Franco Tadeja Catalan, parikot ni Serreno iti kanayon a panaginom ti asawana ket isu iti makitkita a rason iti panagbekkelna ta kanayon iti panagririda.
Segun ken ni Catalan, nakita ti anakna nga agtawen ti walo iti pannakaibitinna isu nga insigida a nagpaarayat ket naipan ti Pira Clinic and Hospital ni Serrano ngem naideklarar a dead on arrival.
Gapu iti dayta ket nagpalagip ni Catalan a nu man bilang nga adda parikot dagiti agindeg ket ipakammoda iti sabali a tao tapno malag-ananda ken saanda a mapanunot iti agpakamatay.
-- ADVERTISEMENT --
