VIGAN CITY – Dua iti nadunor iti napasamak a pinnaltog iti nagbaetan ti mayoralty candidate ken ABC President idiay Tayum, Abra idi kalman ti agsapa, April 23.
Ti impormasyon a nakadanun a naawat ti Bombo Radyo Vigan, adda iti rimsuwa a saan a panagkinnaawatan iti nagbaetan ti live in partner ni ABC president Walter Tugadi kenni mayoralty candidate Joey Brillantes kabayatan iti panagkampanya na idiay Barangay Budac, Tayum.
Nagdesisyon ti live in partner ni Tugadi a pumanaw da laengen iti lugar ngem bigla a pinaputukan iti grupo ni Brillantes iti lugan da isu a bimmales ti kampo ni Tugadi.
Nadaplisan iti bala ti ulo iti kadua ni Brillanes a ni Rexander Bolosan Echave nga agtawen iti tallo pulo ket innem, naasawaan ken agnaed idiay Barangay Velasco, Tayum, Abra idinto a natamaan met iti akin-kannawan a luppo na iti maysa kadagiti kadua ni Tugadi a ni Alvin Padagas nga agtawen iti dua pulo ket tallo, baro a barangay tanod ti Barangay Budac.
Naala iti nakapasamakan iti insidente iti 28 a basyo ti cal. 45 ken 11 a basyo ti m16 rifle.
Pulitika iti maitudtudo a rason iti nasao nga insidente ngem im-imbestigaran pay laeng dagiti otoridad iti sabali pay a posible nga anggulo iti pasamak.
