VIGAN CITY – Naka isolate iti agdama dagiti dadduma nga opisyal iti ili ti Cabugao pakairamanan ti Mayor ta ado kadagiti empleyado ti munisipyo iti nagpositibo iti nasao a virus.
Iti pannaki-uman ti Bombo Radyo Vigan kenni Mayor Edgardo Cobangbang, in-isolate dan iti bagbagida ta nairamanda a contact kadagiti nagpositibo ti COVID19 iti masakopanna.
Maysa kadagiti nagpositibo ti coronavirus ket agserserbi iti opisina ti mayor ken dagiti dadduma ket simmaruno kalpasan iti nagpositibo da iti antigen test da ken dagus a naisayangkat ti RT-PCR test ket rimmuar nga adda kadakuada iti nasao a virus.
Dua pulo ket lima iti agdama nga aktibo a kaso corona virus iti ili ti Cabugao ket manarimaanen iti pannakaisangkat pay iti tracing ken disinfection iti munisipyo.
