VIGAN CITY – “Matunton amin nu nakaigastoan na,” dayta iti natangken a bugas iti panagsarita ni Mayor Chavit Singson inaig ti overdraft ti ili a Narvacan a naduktalan ti Commission on Audit iti audit report da.
Segun ken ni Singson, uray nu saan pay a nalpas iti audit report ti COA, umaboten iti nasurok a dua gasut siyam a gasut ket siyam a milyon a pisos iti overdraft wennu pondo a nairuwar manipud kadagiti naduma-duma a bangko nga isu iti mapapati a ginasto iti napalabas nga administrasyon iti ili a Narvacan.
Kagiddan iti dayta ket dinawat ti dati a gobernador iti panagkaykaysa iti amin tapnu masolbar iti dakkel a parikot iti ili ken madusa dagiti nagbasol.
Malaksid iti dayta, masapul pay iti panagkaykaysa dagiti amin nga umili idiay Narvacan ta segun ti opisyal, masapul a mabalbaliwan iti langa ti ili ken maipakita iti pudno a panagdur-as.
