Inyulogen ti Office of the Governor ti Ilocos Sur ti administrative order a mangibilin iti pannakasuspenso iti innem a bulan ni Mayor Brigido Boy Camarillo iti ili ti Sta. Maria.
Dayta ket gapu iti panangadaptar ti Sangguniang Panlalawigan of Ilocos Sur iti maysa a resolusyon tapno masuspenso ti mayor basar kadagiti natakuatanda iti mainaig ti kasona.
Guilty ni Mayor Camarillo iti administrative offense ti Gross Neglect of Duty gapu kadagiti naglabas a reklamo dagiti kailianna a saanna a maak-akman a nasayaat ti pagrebbenganna kas maysa a mangidaulo iti nasao nga ili.
Immunan nga inlawlawag ni Provincial Board Member Benjamin Maggay iti 2nd District of Ilocos Sur a ti immuna a naipaulog a preventive suspension ket saan a penalty no di ket maysa a legal remedy ti maysa nga investigating body tapno maikkan iti fair trial ti complainant ken respondent kasta payen a tapno saanna a mausar ti impluwensyana a mang-harass kadagiti rumuar nga agsarita.
