Max Collins, saannan a kayat ti makinobio iti artista

Saanen a kayat ni Max Collins ti artista a manobio ta no mabalbalin ket kaykayatnan ti non-showbiz tapno malisyanna dagiti tsismis.

Segun ken ni Max, pinadasna ti nakidate idi ngem saan a nagtuloy isu nga ien-enjoyna pay laeng ti panagbalinna a single kadua ti anakna iti dati nga asawana a ni Pancho Magno.

Maysa kadagiti napateg nga aspeto a kitkitaenna ti sumaruno a karelasyonna ket no kasano ti panagtrato ti lalaki kadakuada nga agina.

Nakasagana met nga aguray ti aktres iti isasangpet ti Mr. Right para kenkuana.