--Ads--
Nagdeklara iti martial law ti gobierno ti Thailand kadagiti walo a distrito nga asideg iti border ti Cambodia gapu iti agtultuloy a rinnupak iti nagbaetan dagiti dua pagilian gapu iti mapagin-innagawan a teritoryo.
Segun ken ni Thailand acting Prime Minister Phumtham Wechayachai, dagus a naipatungpal ti pammilin.
Naiballaag a posible a mapasamak ti nadara a rinnupak iti maikadua nga aladaw ti cross-border fight dagiti dua a pagilian.
Idi kalman, nagrinnupak manen ti Thailand ken Cambodia ket nasurok 138,000 a tattao ti naibakwit iti border region ti Thailand.
-- ADVERTISEMENT --
