Nagsaritan ni Maris Racal inaig iti nakainaiganna nga isyu ken ni Anthony Jennings, ket nagkiddaw iti pammakawan kadagiti inaramidna, ngem impaganetgetna a namin-ano a daras a sinaludsodna ti aktor no single ken no nagsinadan ken ni Jamela Villanueva.
Segun ken ni Maris, nangrugi amin daytoy idi Hunyo, panawen a nalidem ti biagna ta kunana a naliday idi ket ni Anthony ti nangted iti atensyon kenkuana agingga a natnag ti riknada iti tunggal maysa isu a nadala iti emosyonna.
Innayon ti aktres a nalaus ti panagbalinna nga emosyonal iti break up da ken ni Rico.
Kalpasanna, imbaga ni Maris ken ni Anthony a nakisina isunan ken ni Rico, ket kasta met ti dinakamat kenkuana ti aktor, a nagsinadan ken ni Jamela isu a nagpakampante kadagiti tignayna ta ipagarupna nga iti imatang ti tao ket single da a dua.
Inlawlawag pay ti aktres a saanna nga ammo nga adda pay laeng relasyon da Anthony ken ni Jamela ken kunana a kiniddawna ken ni Anthony a mangiruar iti statement a nagsinadan iti nobiana ngem saanna a naaramid ta ipampambarna a mangsapsapul laeng iti husto a panawen.
